БРУДНАЯ БРУДНАЯ БРУДНАЯ РЫГАЛЕТА

Сэрца буўдоса
Прагне наркозу
І каматозу
І папіросу
Пысай у салату
Пысай у падлогу
Пысай у лужыну
Пысай у макроту
Ваніты, закуска,
Кашуля-гадзіны,
Майты-нагавіцы.
Водар радзімы.
Шкарпэткі-малюткі
Драпежны будзільнік
Куды трэба не трапіў
Звыклы ўжо вынік.
Кава для дурняў
Гарбата для геяў
Плацяжы не цікава
Аўтобус для ўсіх, шабаны
?:?%:>:{(;)- <<гукі ванітавання>

***

Учора прывозілі
На раён фуфайкі
1 штука ў адны рукі
Я не пайшоў, яшчэ мінулая
Зусім як новая, толькі не сіняя
Дурань – казала жонка
Зноў выкабеньваешся
Хіба бывае фуфайка лішняя
Так, напэўна - я не аднекваўся
Сумнавата ні чаму не адпавядаць.
А дзесьці прывозілі сапраўдныя туфлі
Накаціла роспач

Беларускую мову і культуру выратуе не дэмакратыя, а дыктатура.

Што ні кажы, але калі зрабіць сапраўдную дэмакратыю, дык у нас яна апынецца дыктатурай большасьці. Якой большасьці, лепш задумацца загадзя. Дык вось, першае, чаго пачне патрабаваць дэмас, пасля даляраў, мытаў на аўто і іншых ключавых момантаў, звязаных з яго жыццядзейнасьцю, гэта каб вярнулі ТНТ і “Дом-2”.

Каб гэтага не адбылося, нам патрэбны харызматычны лідар, для якога мэта апраўдвала б сродкі.

Такім чынам, пасля гвалтоўнага захопу ўлады, наш Дыктатар распачынае сапраўдны тэрор па нацыянальных прыкметах. У адзін дзень адзінай дазволенай мовай у дзяржаве становіцца беларуская. КДБшнікі з міліцыянтамі, чыноўнікі, каб ня страціць месцы, за адну ноч вывучаюць усе асаблівасці маўлення, хто такі Караткевіч, хто нападаў на Полацк. Падручнікі са старой гісторыяй на рускай публічна спальваюць на плошчы. Разам з тымі, хто іх пісаў. За слова на рускай мове – звальненне; на вуліцах за тое самае хапаюць людзі ў цывільным і вязуць куды трэба. Складаюцца спісы незадаволеных, і ў залежнасці ад ступені ўяўляемай небяспекі перад імі ставіцца выбар – турма, праца ў сельскай мясцовасьці, альбо дэпартацыя з краіны. Адзіны магчымы выхад – публічнае адрачэнне ад былых прынцыпаў і прыняцце новых.

Толькі рашучыя меры здольны ўспрыняць наш народ, а найбольш гвалтоўныя. Дык вось, пару дэманстрацый, калі тыя адбудуцца, што крыху магчыма, давядзецца закатаць танкамі. А галоўнае, каб людзей ахапіў сапраўдны страх. І яшчэ бязмежная павага і адданасць яму – найхарызматычнейшаму Дыктатару.

Вядома ж, гэтак наўрад ці адбудзецца. Але, што яшчэ можа выратаваць беларускую мову? Мабыць, толькі, калі пачаць прыстасоўвацца пад патрэбы насельніцтва: паціхеньку перавесці выпуск напояў на з цалкам беларускамоўнымі этыкеткамі, і такім чынам пачаць млявабягучую экспансію ў розумы насельніцтва праз яго страўнікі, рыхтуючы там падмурак даверу да ўсяго беларускага. Потым прадукты харчавання – так сама паступова. Потым выдаткаваць колькі заўгодна грошай, але зняць першы сапраўдны беларускі блокбастэр, серыял, трэш-мульт для падлеткаў. Тэлебачанне хаця б напалову, павінна стаць беларускамоўным. Патрэбны беларускі шансон (гэта ўжо, лічы, цяжкая артылерыя, калі толькі сур’ёзна выраблена), папса, рэаліці шоў на галоўным канале ў прайм тайм пра жыццё беларускамоўнай віайпішнай тусоўкі. І калі ўсё гэта сапраўды “пакоціць”, можна пачынаць рэформы ў сістэме адукацыі. Гадоў 5 спатрэбіцца на рэалізацыю такога плану.
А калі на выбарах пераможа іншы?

***

Дыму клубы

Чакаляду кубы

Хрупацелі ілбы

Казыталі насы

Тата сыну купіў

Маці купіла - не

Голуб пасланец міру,

Толькі ў лайне

Жахлівы палічнік

Зіхатлівы пярсцёнак

Хатнік дурны

Бамжы, і не кажы

Глейкасці вадкасць

Альбо наадварот

Псіхалагічны эксперымент

Нават экскрымэнт

хоча жыць

ПАСЛУГІ ЖКГ АПЛАЧВАЙЦЕ ССВОЕЧАСОВА,

ММХ ЭБАУТ

Хэлоў, мае шаноўныя!
Паколькі займацца арганізацыяй, запрашэннямі, разнастайнасцю праграм і г.д. у мяне зусім няма часу, усю гэтую бадзягу "кожную сераду" часова прыпыняем, і арыентуемся на кропкавыя выступы па спецыяльных выпадках.
Сочым за абвесткамі, чакаем, спадзяемся, лістуем на fridrich@mail.by і верым у непазбежнасць самага найлепшага, сапраўднага, бясконцага і вечнага ўсяго.
Можна задаць іншую перыядычнасць, напрыклад, раз на месяц. Тады неабходна толькі  вызначыцца, у якую з чатырох серад найлепш здзяйсняць гэтае абрадавае і культавае, адначасова, мерапрыемства, і не забыцца праінфармаваць аб гэтым мяне.
Да наступных сустрэч!
Вечна і бясконца Вашы, ФС

***

Экстрасэнс маша
Супраць экстрасэнса пеці
І абодва супраць кандуктара
Не хочуць аддаць тому дробязь
Чыясьці харкоціна сціпла замерзла
Размаўляць па-беларуску непрыстойна ў людных месцах
Давядзецца выклікаць злога амапаўца
А ён болей за цябе хоча есьці,
Дома ў яго жонка і дзеці
1 шт., і дома ён добры
3 тэлевізары кампутар хутка будзе айфон
Для шчасця зусім мала трэба нармальнаму чалавеку
Так што няма чаго тут выпінацца
Ідзі адпачні. А потым яшчэ адпачні, і яшчэ.
Будзь як усе. Працоўны дзень з 8 да 5, і ўжо заўтра.
Будзь гатовы!

Ура таварыш!

Віншую з пачаткам вясны і дадаткова паведамляю, што для ММХ знайшоўся прытулак!

Арганізацыя "Литературный четверг" пачынае дыхаць сама і дае дыхаць і жыць іншым!

Так кожную сераду з 20-00 да 22-00 можна завітаць па адрасе: вул. Уральская, 41, каб. 214, 2-гі паверх.

Вас чакаюць літаратурныя чытанні, інтэлектуальныя гутаркі, выступы музыкаў і самадзейных калектываў у нязмушанай атмасферы творчых сустрэч, і, абавязкова і непазбежна, ММХ!
ММХ будзе праводзіцца з мінімальным сталым складам аўтарытэтаў старэйшын і з максімальным прыцягненнем да ўдзелу усіх ахвотных.
Для ўдзелу пажадана прыйсці на месца і проста удзельнічаць.
Так што чакайце серады, хапайце свае літаратурныя опусы, музычныя інструменты і прыстасаванні, і скачыце на "Четверг"

Асцярожна, ММХ !

17.02.2011 у кнігарні "Логвінаў" адбудзецца вечар ММХ.

У праграме стварэнне музычна-маўленчых кампазіцый у 4-х аспектах сучаснай рэчаіснасці: латэнтнасць, абыякавасць, канфармізм, неадпаведнасць.

Усіх прысутнах чакае супрацьстаянне эмбіентных, індустрыяльных, фры-джазавых і іншых музычных складнікаў з паралельным праецыяваннем непасрэдна з-пад кары мозгу нарыхтаваных загадзя, альбо вынайдзеных на месцы, тэкстаў пераменнай літаратурнай каштоўнасці ад выпадковых і невыпадковых аўтараў.

Да ўдзелу запрашаюцца ўсе жадаючыя пасля азнаямлення з асноўнымі пастулатамі правядзення ММХ (глядзі ніжэй альбо http://frydsam.blogspot.com/2011/02/blog-post.html).


Інтэрактыўны вядоўца – Фрыдрых Самотны.

Коцік Віця сядзеў у норцы
Потым да коціка прыйшоў трусік
Трусік хацеў травы
Каты ж любяць мяса
Трусік травы не атрымаў
Да таго ж коцік ўкусіў яго за вуха, гэтак і развіталіся.
Гаспадар лежучы на канапе глядзеў “Салярыс” Таркоўскага, рарытэтны фільм.
Гаспадар добра заснуў, і яго так сама ўдалося пагрызці за вуха
Коцік ішоў у метро
Па дарозе яго ледзьве не раздушыла машынай.
Кіроўца машыны еў мяса і ня верыў у бога.
Дзесьці калісьці ён чуў пра Таркоўскага, але дакладна не змог бы адказаць, хто гэта такі.
Пайшоў моцны дождж, дармавая памыйка машыны, дарэчы. Заўтра будзе цяжкі дзень, скончыліся алоўкі, шапка…
Па радыё тым часам паведамлялі пра ўвядзенне ад заўтра падатку за карыстанне прасторай.
Пенсіянер Палуяненка сядзеў ля пад’езду, нюхаў сродак для абутку і пра сябе прыгадваў мінулае.
Мінулае яго так сама прыгадвала, напаўудзячна. Калі-небудзь у розных інтэр’ерах.
Дзетак цяпер танней 2х адразу замаўляць, блізнятак
Толькі не кітайскіх. Коціка і сабачку.
Хаця, усё роўна, каго. Важней на што іх пасадзіць. На што пасадзіш, тое і вырасце.
У двор зайшлі два ўпараных інтэлегенты. Да гэтага ім з паўгадзіны давялося мясіць неадукаванага суседа Альберта, бо той быў вельмі ж няўцямлівы.
Палуяненка саступіў месца і пайшоў прэч. Чамусьці яго панесла на вуліцу. З вышмараваным у чорнае носам глядзець на яго было ня вельмі прыемна.
Кайфу ў шапіку яму не прадалі, і абазвалі кенгуру. Палуяненка падзівіўся з такой экзатычнай назвы і маркотна пакрочыў далей.
У п’янага суседа Міці не атрымлівалася трапіць ў пад’езд. Ён стукаўся аб сцяну, рабіў крок назад і паўтараў спробу. Дзверы ж былі крыху правей.
Паршывая інтэлегенцыя тым часам горача цалавалася, не звяртаючы на яго ніякай ўвагі.
У адной з кватэр кран гуў так, што было чутна на вуліцы. Пахнула старой смаленай пластмасай, і зграі молі зляталіся з усяго наваколля на гэты смурод.
Міця патрапіў дамоў і цяпер мачыўся з балкону. На шчасце Палуяненкі той зайшоў з іншага боку.
Побач с сапраўдным кустом рунела пара штучных. Усюдыісныя дзеці ўжо папрасмальвалі і абдзерлі лісьце, а крыху далей ляжаў накормлены ім трусік.
Праз 2 дні Палуяненку знайшлі нежывым. Тому штосьці спатрэбілася на страсе. Але ён не далез, і моўчкі ляжаў пад лесвіцай. У старога дурня не хапала вуха.
Усё.

МУЗЫЧНА-МАЎЛЕНЧЧЫЯ ХЭПЕНІНГІ (ММХ).

У праграме стварэнне музычна-маўленчых кампазіцый непасрэдна на месцы з удзелам усіх жадаючых і здольных, пад кіраўніцтвам сталага складу бездакорных аўтарытэтаў-старэйшын.

Музычна-маўленчая кампазіцыя ўяўляе сабой сродак слыхавога ўздзеяння эстэтычнага прызначэння, і выкарыстоўвае ў сабе любыя спосабы музычнай пабудовы і маўленчага мастацтва, з выкарыстаннем літаратурных твораў. Кожная музычна-маўленчая кампазіцыя ствараецца непасрэдна на месцы і з'яўляецца ўнікальнай.

Адпаведнай лічыцца толькі музычна-маўленчая кампазіцыя ў якой максімальна рэалізаваны наступныя патрабаванні:

- забеспячэнне сталай дынамікі ўласнага развіцця і эвалюцыі;

- забеспячэнне характэрных асаблівасцяў і непаўторнасці;

- выкарыстанне ва ўласным складзе лепшага сусветнага досведу прагрэсіўнай музыкі;

- адсутнасць прамога цытавання (за выключэннем выкарыстоўваемага літаратурнага матэрыялу і сэмплаў);

- увіванне літаратурнага тэксту ў музычнае палатно, непрымальнасць банальнага агучвання аўтарамі;

- вызначальнасць маўленчай, а не літаратурнай важкасці літаратурных твораў пры іх выкарыстанні;

- адсутнасць зацяглых кавалкаў.

Пры правядзенні ММХ дзейнічае забарона на:

- песенны жанр;

- выкананне загадзя падрыхтаваных мелодый, кавалкаў і г.д.;

- чытанне з зачараваннем тэкстам і любое іншае;

- наданне палітычнай афарбоўкі кампазіцыям, выкарыстанне адпаведных тэкстаў;

- выкарыстанне мацюкоў (за рэдкім выключэннем у абгрунтаваных адзінкавых выпадках);

- выступ у нецвярозым стане (нават калі такі з’яўляецца натуральным для выступоўцы);

- ігнараванне агульнай плыні кампазіцыі;

- зацяглае дамінаванне;

- перацягванне кампазіцыі ў застойнае рэчышча альбо вызначаны жанр з выкарыстаннем колькаснай альбо іншай перавагі;

- сапсаванне любой, акрамя ўласнай, маёмасці; наўмыснае, альбо ненаўмыснае прычыненне шкоды і г.д.

На першасным этапе для стварэння ММХ дазваляецца карыстацца любымі музычнымі інструментамі, сродкамі гукавылучэння і літаратурнымі творамі. Пры правядзенні тэматычных хэпенінгаў па вырашэнні сталага склада бездакорных аўтарытэтаў-старэйшын да выкарыстання дазваляецца толькі вызначаны шэраг вышэйазначаных прыстасаванняў і літаратурных твораў.

Акрамя музычных і маўленчых дазваляецца выкарыстоўваць харэаграфічная і візуальныя эфекты, такім чынам пашыраючы поле дзейнасці ММХ.

Сталы склад бездакорных аўтарытэтаў-старэйшын валодае выключнымі і паўнамоцнымі правамі да:

- выкарыстання любых выразных сродкаў, музычных інструментаў і прынцыпаў пабудовы кампазіцый;

- судзейнічання і прымання ўдзелу ў стварэнні гурткоў перспектыўных удзельнікаў хэпенінгаў, з наданнем ім так сама адмысловых правоў;

- прыманне вырашэнне аб прыняцці (альбо выгнанні) у свае шэрагі кандытатаў з гурткоў перспектыўных удзельнікаў;

- выгнанне непажаданых кандыдатаў без усялякіх тлумачэнняў у незалежнасці ад іх статусу, у выпадках сапсавання музычна-маўленчай кампазіцыі як следства  прынцыповага яе неразумення, альбо інш.;

- прыняцце вырашэнняў аб далейшай мэтазгоднасці працягнення дзейнасці.

Калі прасцей, то ўсё гэта выглядае так:

Вырашэннем сталага складу бездакорных аўтарытэтаў-старэйшын вызначаецца час і месца правядзення ММХ, а так сама яго тэматыка. Акрамя арганізатараў могуць удзельнічаць усе жадаючыя, ажыццяўляючы свой ўнёсак музычнай, маўленчай, альбо любой іншай складаючай. Працэс рэгулюецца з мэтай пабудовы вытрыманых інтуітыўна адпаведных збалансаваных кампазіцый. Па выніках удзелу робяцца высновы аб удаласці выкарыстання тых ці іншых прыёмаў асобнымі удзельнікамі.